[color=blue]منهج مدارس أحد للصف الثانى الأبتدائى[center]
الدرس الأول[/color]: [b]الشهيد العظيم أبو سيفين
[right]شرح الدرس : قريب كان عندنا عيد جميل اسمه عيد النيروز و ده عيد جميل للشهداء و القديسين و دول ناس كانوا بيحبوا ربنا خالص اكتر من كل حاجة فى الدنيا كانوا يفضلوا انهم يموتوا ولا يعملوا أى حاجة تزعل بابا يسوع ومنهم قديس حلو خالص اسمه فيلوباتير كان ابوه وثنى ميعرفش حاجة عن بابا يسوع وكان شغال صياد الوحوش ودى كانت شغلة صعبة وفى يوم من الأيام هجم وحش كبير خالص على ابو القديس لكن السيد المسيح كان بيحبه فبعت الملاك ميخائيل ظهرله و أنقذه من الموت وعرفه ببابا يسوع و اتعمد هو وكمان مراته وسموا ابوه نوح وامه سفينة وابنهم فيلوباتير و عرفوه كل حاجة عن بابا يسوع وبعد كده كبر القديس ابو سيفين وكان فارس كبير فى الجيش عند ملك اسمه داكيوس اللى كان وثنى ميعرفش بابا يسوع بس الملك كان بيحبه خالص لأنه كان شجاع وفى يوم جم ناس اسمهم البربر وزعل الملك خالص لكنه فكر فى الفارس الشجاع فيلوباتير اللى من كتر شجاعته سماه اصحابه ميرقوريوس وفعلا خرج الجيش يحارب البربر ومعاهم القديس فيلوباتير اللى كان متعود انه يصلى قبل الحرب فظهر له الملاك ميخائيل وقواه واداه سيف وقال له لماتغلب اعدائك اتذكر الرب الهك وانتصر القديس بالسيف اللى اعطاه ليه الملاك وهو راجع من الحرب ظهر ليه الملاك تانى و فكره بكلامه ولما رجع عمل الملك حفلة كبيرة لأنه انتصر ودعى كل الناس انها تبخر للأوثان لكن ابو سيفين ماجاش الحفلة فزعل الملك وسأل ابوسيفين عن السبب فقاله انا مسيحى وانا مش عايز منك اى حاجة وقلع لبس الحرب والنياشين الحلوة اللى اداها ليه الملك فزعل الملك وعزب القديس عذابات كتير لكن ابو سيفين ماوافقش انه يبخر للأوثان وفى الاخر خاف الملك ان كل الناس تأمن ببابا يسوع بسبب ابو سيفين فقطع راسه وراح السما يوم 25هاتور بركة صلاته تكون معانا
الغرض: ان يتخذ الأطفال القديسين قدوة لهم
وسائل الأيضاح : صورة القديس امامها شمع وعليها ورد - سيوف خشبية - لبس الحرب
الأية : "كللت السنة بجودك "مزمور 11:65
التدريب : اذا سألك أحد فقل أنا مسيحى ولا تخف
سلام المسيح يكون معكم آمين